Tunay na Kaibigan: A Poem

This is a Tagalog poem I composed, I hope you will like it. The idea suddenly came to my mind when I woke up. I hope this will inspire you. Good day!

TUNAY NA KAIBIGAN

by Semidoppel

 

Sa dinami-rami ng tao sa mundo

Mahirap makahanap ng kaibigang totoo

Sa walong bilyon na nabubuhay na tao

Saan makakahanap ng tunay na katoto

 

Marami diyan akala mo ay kaibigang tunay

Nung lumaon malalaman mo may iba palang pakay

Personal na dahilan ang kanyang mithiin

Mag-ingat ka baka ika’y kanya lamang gagamitin.

 

Meron din naman akala mo’y kakampi

Siya ay kakampi kapag ika’y may katunggali

Pero wag ka sanang minsan ay magkamali

Baka isang araw wala na sa iyong tabi

 

Mag-ingat din tayo sa mga mapagkunwari

Kapag kaharap ka’y maganda ang sinasabi

Pero kapag nakatalikod ka sa ganitong uri ng tao

Sa likod mo ay kahol ng kahol na parang aso

 

Anu nga ba sa tingin ko ang tunay na kaibigan

Tingin ko madali lang natin iyan malalaman kaibigan

Tunay na kaibigan, laging nariyan

Sa oras ng ligaya o kalungkutan man.

 

Siyang kaibigan na hindi kailanman aalis

Magpapahid ng luha, aalisin ang iyong dungis

Sa iyong kahinaan ay sandigan ng lakas

Kasama mo sa problema hanggang ito ay malutas.

 

Ang isang kaibigan ay malawak ang tanaw

Suporta ay nariyan, laging nag-uumapaw

Gagabayan ka at hindi pababayaan

Ikaw ay aakayin, kasama mong tutungo sa paroroonan

 

Siyang kaibigan na hindi ka kukunsintihin

Kapag katangahan na ang iyong gawain

Tatapikin ka sa balikat upang iyong alalahanin

Hoy Tol! Gumising ka buhay mo ay wag sirain

 

Ito sa tingin ko ay ilan lamang na aspeto

Para malaman kung ang kaibigan ay totoo

Siyang kaibigan kung kailangan ay lilitaw

Hindi tulad ng anino na nariyan lang kapag may araw.

Prep4sure A+ certification

16 Responses to “ Tunay na Kaibigan: A Poem ”

  1. Jemaima Robles says:

    Sa bawat bigkas ng salitang di naririnig
    ang bawat tiklada ang nangungusap sa isip

    Sinisiping ligaya at lungkot sa mga letra
    Sa paglapat ng tinta, sa pagtipa sa makinilya
    Doon ko rin nakilala ang kaibigang nagtiwala
    Sa pagsulat ako’y muling umibig at nagpalaya

    Sa bilyong tao nga naman, ang isip ay iisa
    Pagtibok ng sentido, pawang gawa ng musa
    Sa pagdatal ng inspirasyon, sa pagsulat ng pluma
    Ugnaya’y di na lamang dugo, bagkus ay ideya

    Sa iyong pagiging tunay, salamat kaibigan
    Panig man ng mundo mo, sa akin ay kasukalan
    ‘Pagkat sa bawat bigkas ng salitang di naririnig
    Ang bawat tiklada ang nangungusap sa ating isip

  2. roitchie says:

    di me xado nakarelate kuya! echos! pasok!

  3. Aj Banda says:

    Naaliw ako sa tulang ito.. :)

    Pero pasensya na at kokontra ako sa isang part ng tula. Para sa akin, ang pinaka best na kaibigan ay di papahirin ang luha mo.. bagkus ay tatabi sila sayo at iiyak din.. tapos magkakatinginan kayo at tatawa kasi ang papangit nyo umiyak… tapos limot mo na ang problem.. In short sila ang handa kang samahan sa lahat ng iyong kaemohan para lang maparating sayo na di maganda ang ginagawa mong pagsira sa buhay mo.. :)

    ang haba ng comment ko di ba?! hehe

  4. Semidoppel says:

    yeah dadamihan ko pa

  5. Semidoppel says:

    Bestfriends? Sure Why not!

  6. Cryptic Kris says:

    Cool! Another poet here (underground). :)

  7. Talented ka talaga. Can you be one of my bestfriends? Seriously..

  8. Semidoppel says:

    Salamat po Sir Biboy

  9. Semidoppel says:

    Makakarating Lulu, teka diba pumunta na ata kayo

  10. Biboy says:

    Wow isa ka rin pa lang poet. Hehe :) Ganda ng pagkasulat :)

  11. Lulu says:

    I totally agree.. Great timing, i guess this one’s for kuya jehz.. Pakisabi ke kuya jehz, semi.. Madami tayong mga kaibigan nya.. (: plz! Pki parating.. Thanks for this inspirational poem semi.. (:

  12. Semidoppel says:

    Kaya dapat maging mabusisi tayo sa pakikipagkaibigan…Thanks Straw Hat

  13. Semidoppel says:

    salamat Sir Tyrone!

  14. Arwin says:

    Tama ka diyan, hindi kasi natin alam kung sino ang totoo at sino ang hindi. Iba iba kasi tayo at pwede lang nating magawa eh sumugal kung sino ba ang dapat nating pagkakatiwalaan.

  15. Astig! Galing ng pagkakacompose mo Semidoppel! :)

Leave a Reply

You must be logged in to post a comment.